Бишкекте Жаңы жыл күнү 4 миң доллар тонолгон. Шектүү жигиттер кармалды

Бишкек каракчылыкка шектүүлөр кармалышты. Бул тууралуу SUPER.KG порталына Биринчи Май райондук ички иштер бөлүмүнөн билдиришти.

Билдирүүгө ылайык, 4-январь күнү милицияга М.А. аттуу жаран арызы менен кайрылган. Арызында ал 31-декабрь күнү саат 01:50 чамасында Кулиев жана Жумабек көчөлөрүнүн кесилишинен белгисиз адамдар далысына бычак менен сайып, 4 миң долларын уурдап кеткенин билдирген.

Аталган факт боюнча кылмыш иши козголгон.

Бул кылмышка шектүү катары мурда соттолгон 1999-жылы туулган Ж.Э. жана 2001-жылы туулган К.Б. аттуу жарандар аныкталып, кармалды.

Азыркы учурда шектүүлөрдүн башка ушул сыяктуу кылмыш фактыларын жасоого катыштыгы бар экендиги аныкталууда. Тергөө иштери жүрүп жатат.