Бир катар окуу жайлардын жетекчилик кызматына сынак жарыяланды. Талаптары

Өлкөдөгү бир катар окуу жайлардын директору кызмат ордуна сынак жарыяланат. Бул тууралуу бүгүн, 25-январда Маданият, маалымат, спорт жана жаштар саясаты министрлигинен кабарлашты.

Маалыматка ылайык, аталган министрлик төмөнкү бош кызмат орундарына сынак жарыялайт:

- Ыбырай Туманов атындагы Каракол мамлекеттик музыкалык окуу жайынын директору бош кызмат ордуна (дареги: Ысык-Көл облусу, Каракол шаары, Гебзе көчөсү 120);

- Чолпонбек Базарбаев атындагы Бишкек хореографиялык окуу жайынын директору бош кызмат ордуна (дареги: Бишкек шаары, Московский көчөсү 123/1);

- Насыр Давлесов атындагы республикалык маданият жана искусство колледжинин директору бош кызмат ордуна (дареги: Чүй облусу, Токмок шаары, Дубовицкий көчөсү 153);

“Маданият жана искусство” багыты боюнча жогорку кесиптик билими, педагогикалык же жетекчилик кызмат орундарындагы иш тажрыйбасы 5 жылдан кем эмес.

- директор мекеменин уставынын негизинде өз укуктарын жана милдеттерин ишке ашырат жана мекеменин ишинин натыйжалары үчүн толук жоопкерчилик тартат;

- штаттык жана финансылык тартиптин сакталышына контролду жүзөгө ашырат;

- буйруктарды чыгарат, бардык кызматкерлер жана студенттер аткарууга милдеттүү болгон көрсөтмөлөрдү берет;

- педагогикалык жана администрациялык персоналдын курамын түзөт;

- мекеменин ички тартибин, түзүмүн бекитет;

- өзүнүн орун басарларын дайындайт;

- мекеменин кызматкерлеринин кызматтык нускамаларын бекитет;

- кирешелердин жана чыгашалардын сметасын бекитет;

- монополияга каршы саясат чөйрөсүндөгү ыйгарым укуктуу мамлекеттик орган менен макулдашуу аркылуу контракттык окутуунун наркынын сметасын бекитет.

- арыз;

- паспорт;

- кадрларды эсепке алуу боюнча толтурулган өздүк баракча (иш жүзүндө жашаган жеринин дарегин жана телефондорун көрсөтүү менен);

- резюме;

- белгиленген тартипте күбөлөндүрүлгөн билими жөнүндө документтин көчүрмөсү (нотариалдык же иштеген жериндеги кадр кызматы тарабынан);

- белгиленген тартипте күбөлөндүрүлгөн эмгек китепчесинин көчүрмөсү (нотариалдык же иштеген жериндеги кадр кызматы тарабынан);

- соттолбогондугу жөнүндө маалымкат;

- 3x4 өлчөмүндөгү 2 сүрөт;

- билим берүү мекемесин өнүктүрүүнүн перспективдүү планы.

Бардык документтер папкага тиркелип, Маданият, маалымат, спорт жана жаштар саясаты министрлигинин Адам ресурстарын башкаруу бөлүмүнө ушул жылдын 25-январынан 7-февралга чейин тапшырылууга тийиш экени маалымдалат.

Талаптарга жооп бербеген документтерди жана маалыматтарды тапшырган жарандарга катышууга жол берилбейт", - деп жазылат анда.