Бишкекте кезектеги айыл чарба жарманкеси болот

Бишкекте 27-28-январь күндөрү кезектеги айыл чарба жарманкеси өтөт. Бул тууралуу бүгүн, 25-январда Суу ресурстары, айыл чарба жана кайра иштетүү өнөр жайы министрлигинен кабарлашты.

Маалыматка ылайык, жарманке Киев – Раззаков – Токтогул көчөлөрүнүн кесилишинде саат 08:00дөн 18:00гө чейин иштейт.

"Катышууну каалаган дыйкан, өндүрүүчүлөр төмөнкү байланыш номери аркылуу кайрылса болот: 0555 34 60 60", - деп билдиришти министрликтен.

Жарманкенин максаты — ата мекендик өндүрүүчүлөрдүн, агроөнөр жай ишканаларынын жана жеке ишкерлердин айыл чарба продукцияларын сатууга, шаар тургундарына дүң баада жеткирүүдө колдоо көрсөтүү болуп саналат.