Ташиев: "Жалал-Абадда өлкөдө жок стадион курулат"

Жалал-Абаддагы "Курманбек" стадиону эл аралык стандартка жооп берген стадион болот. Бул тууралуу УКМКнын башчысы Камчыбек Ташиев аталган стадионду оңдоп-түздөө иштери менен таанышып жатып билдирди.

Ташиев жаңы заманбап стадион өлкө тарыхында биринчи жолу курулуп жатканын айткан.

"Кыргызстандын тарыхында биринчи жолу гибриддик оюн талаасы салынып жатат. Бул өтө кымбат, бирок технологиялык жактан эң акыркы үлгүдөгү футболдук талаа болот. Бул бүткөндө бардык деңгээлдеги эл аралык мелдештерди өткөрө алабыз", - деди ал.

Ошондой эле УКМК башчысы стадионду оңдоо иштери менен таанышып жатып апрелге чейин бүткөрүүгө тапшырма берди. Футболдук талаа демөөрчүлөр тарабынан каржыланып, 40 миллион сом керектелери айтылды.