Баткенде көк бөрү боюнча облус башчысынын кубогу өтүүдө (фото)

Баткендин Раззаков шаарында президенттин Баткен облусундагы өкүлүнүн көк бөрү боюнча кубогу өтүп жатат. Бул тууралуу SUPER.KG порталына бүгүн, 30-январда президенттин аталган облустагы өкүлчүлүгүнөн билдиришти.

Кабарлангандай, спорттук иш-чара президенттин инсандын руханий адеп ахлактык өнүгүүсү жана дене тарбиясы жөнүндөгү жарлыгынын алкагында өтүүдө.

Улуттук оюн көк бөрү боюнча облустун район шаарларынан топтолгон жалпы 5 команда күч сынашууда.

Оюндун жыйынтыгы менен жеңүүчүлөргө президенттин өкүлү Абдикарим Алимбаевдин атайын сыйлыктары, диплом, медалдар жана кубок ыйгарылат.

Белгиленгендей, спорттук иш-чара Көк-бөрү федерациясы менен биргеликте уюштурулуп жатат.