Сокулукта 42 жаштагы аял дайынсыз жоголду

Сокулук районунун Шопоков шаарында 42 жаштагы Наргиза Шатманалиева дайынсыз болуп изделүүдө. Бул тууралуу Чүй облустук ички иштер башкармалыгы билдирди.

Милициянын маалыматына ылайык, анын туугандары Сокулук РИИБге арыз менен кайрылган. Арызында алар 1982-жылы туулган Наргиза Базарбаевна Шатманалиеваны издөөгө жардам берүүнү суранышкан.

Бул факты Сокулук райондук ички иштер бөлүмүнө катталып, тергөөгө чейинки текшерүү иштери башталган.

Өзгөчөлүгү: бою 155 сантиметр, чачы күрөң, көзү күрөң, орто дене түзүлүштө. Ал мезгилге жараша кийинген.

Урматтуу жарандар! Эгерде сизде жаран Наргиза Базарбаевна Шатманалиеванын жүргөн жери тууралуу маалымат болсо, төмөнкү телефондорго кайрылсаңыздар болот: 0312 607567 (нөөмөт бөлүмү) 0558 86-14-86, 0708 86-14-86 (издөө тобу)