Ишемби күнгө карата аба ырайы

Эртең, 3-февралда Баткен облусунун айрым жерлеринде жаан, кар, Ош облусунун тоолуу райондорунда кар жаашы күтүлөт. Ал эми башка аймактарда жаан-чачын болбойт деп эскертет Кыргызгидромет борбору.

Абанын температурасы:

Чүй жергесинде түнкүсүн -7…-12, күндүз +1…+6 даража,

Талас аймагында түнкүсүн -6…-11, күндүз 0…+5 градус болсо,

Баткен, Ош, Жалал-Абад өрөөндөрүндө түнкүсүн -3…-8, күндүз +2…+7ге чейин жылыйт.

Ысык-Көл дубанында түнкүсүн -7…-12, күндүз -1…+4,

Нарын облусунда түнкүсүн -18…-23, күндүз -4…-9.

Ал эми борбор калаа Бишкекте жаан-чачын күтүлбөйт. Абанын температурасы түнкүсүн -8…-10, күндүз +3…+5 болушу күтүлөт.

Батыштан соккон шамалдын ылдамдыгы секундасына 4-9 метрге жетет.