Нурланбек Шакиев Бишкек ЖЭБиндеги жарылуудан жабыркагандардын туугандары менен жолугушту

Бүгүн, 3-февралда Жогорку Кеңешинин төрагасы Нурланбек Шакиев Бишкек Жылуулук электр борборундагы авариядан жабыркаган адистерден кабар алды.

Парламенттин басма сөз кызматынан билдиргендей, төрага ошондой эле алардын туугандары менен жолугушуп, баарлашты. Саламаттык сактоо министри Алымкадыр Бейшеналиев бейтаптардын абалы тууралуу маалымат берди.

Шакиев керектүү медициналык жардамдар толук көрсөтүлүшү керектигин белгилеп, Жогорку Кеңеш жылуулук борборундагы жагдайды жөнгө салууга багытталган аракеттерди да көзөмөлгө аларын билдирди.

Иш учурунда жабыр тарткан кызматкерлердин тез арада сакайып кетиши үчүн төраганын резервдик фондунан да каржылык жардамдар көрсөтүлөрүн кошумчалады. Муну менен катар бүгүн бейтаптарды дарылоого көмөктөшүү максатында Түркиядан атайын адистер келгенин кабарлады.