Бишкекте мектептер жана бала бакчалар эртең да онлайн окушат 

Эртең, 6-февралда Бишкекте мектептер жана бала бакчалар онлайн окушат. Бул тууралуу Бишекек мэриясынан билдиришти.

Маалым болгондой, буга чейин ЖЭБдеги кырдаалга байланыштуу 2-февралдан 6-февралга чейин Бишкек шаарынын мэриясынын билим берүү департаментинин буйругунун негизинде борбордун бардык мектепке чейинки жана муниципалдык билим берүү уюмдары онлайн окутууга өткөрүлгөн.

Ага ылайык, Билим берүү министрлиги билим берүү уюмдарына менчигинин түрүнө карабай, автономдуу эркиндик берет. Эгерде бөлмөдөгү жылуулук 18 градустан жогору болсо, анда окуу жайдын жетекчилиги өз алдынча чечим кабыл ала алат.