Ак-Ордодо 43 жаштагы жаран сабалган. Шектүү жигит кармалды

Бишкектин четиндеги Ак-Ордо конушунда киши сабоого шектүү жарандар кармалышты. Бул тууралуу Чүй облустук ички иштер башкармалыгы билдирди.

Билдирүүгө ылайык, милицияга 1981-жылы туулган жаран арыз менен кайрылган. Арызында ал Ак-Ордо жаңы конушундагы "Арча" дүкөнүнүн жанында эки белгисиз адам сабап, ден соолугуна анча оор эмес зыян келтиргендигин билдирген.

Бул факты боюнча кылмыш иши козголгон.

Ыкчам-издөө иш-чараларынын жүрүшүндө бул кылмышка шектелип 2003-жылы туулган Т.Р. аттуу жигит кармалды. Шектүү убактылуу кармоочу жайга киргизилди.

Учурда бул кылмышка катыштыгы бар башка адамды аныктоо боюнча ыкчам-издөө иш-чаралары жүргүзүлүүдө.