Караколдо мүрзөдө иштеген аксакал: “Дубаланган, ийне сайылган куурчактарды таштап кетишет”

“Дубаланган, ийне сайылган куурчактарды таштап кетишет”, - дейт Каракол шаарындагы көрүстөндөрдүн биринде иштеген Тахир ата.

"Бул жерден жайында көп сүрөттөр, куурчактар чыгат. Мүрзөлөргө коюп жаап коёт экен, жаан жааганда ачылып калат да. Ошол кадамга кантип барышат? Ооздоруна, көздөрүнө ийнелерди тыгып, анан бул жакка ташташат. Болгондо да жаш кыздарга келиндерге, ушундай нерселерди жасашат. Алардын кыздары жокпу, балдары жокпу?

Мен ошол сүрөттөрдү, куурчактарды алып туруп, окуп, сууга агызып, кылынган жаман дубаларды чечип коём. Болбосо мен ал адамдарды тааныбайм, муну мен Алланын ыраазычылыгы үчүн жасайм. Куурчактарды алып келип, моюнунан асып коюшат, Кудайым бетин алыс кылсын мындайлардан. Кабырга келгенде жасаган бул жамандыктары үчүн алар кантип жооп берет?", - дейт Тахир ата.

Маекти толугу менен SUPER.KG порталынын YouTube каналынан көрүңүздөр.