“Чек талап кылып, байге утуп ал!”. 21 катышуучунун утушу жокко чыгарылды

“Чек талап кылып, байге утуп ал!” лотореясынын 21 катышуучусунун утушу жокко чыгарылды. Бул тууралуу Мамлекеттик салык кызматынан билдиришти.

Маалымдалгандай, былтыр 25-30-декабрда өткөн кызыктыруучу лотереянын экинчи этабында 1 244 адам баалуу байгенин жеңүүчүлөрү болгон.

Лотереянын шарттарына ылайык, утуш аяктагандан кийин ведомстволор аралык байкоочу комиссия жеңүүчүлөрдүн лотереяга катышуу эрежелерин сактагандыгын текшерет. Анын жыйынтыгында 21 катышуучу лотереянын талаптарын бузгандыгы аныкталган.

Катышуучулар кызматкер катары катталган уюмдун контролдук-кассалык чектерин сканерден өткөргөндүгүнө байланыштуу утуштары жокко чыгарылды.

Эскерте кетсек, “Чек талап кылып, байге утуп ал!” кызыктыруучу лотереясынын экинчи этабы былтыркы жылдын 25-30-декабрында өткөрүлүп, жыйынтыгында 1 244 жаран баалуу байгенин, анын ичинде 10 батирдин, 11 электромобилдин жана Дубайга эки кишилик 4 жолдомонун жеңүүчүлөрү аныкталган.

Салык кызматы жакында байгелерди тапшыруу башталарын жана байгелерди алуу акысыз экендигин кошумчалады.