Бишкекте короолор менен көчөлөрдүн тазалыгы текшерилүүдө

Бишкек мэриясынын алдындагы муниципалдык инспекция көп кабаттуу үйлөрдүн короолорунда жана көчөлөрүндө тазалыкты сактоо боюнча рейддерди улантууда. Бул тууралуу бүгүн, 8-февралда аталган мекемеден билдиришти.

Маалымдалгандай, январь айында көрктөндүрүү жана тазалык эрежелерин бузгандарга "Укук бузуулар жөнүндө" кодекстин 114-беренесинин негизинде 84 протокол түзүлүп, жалпы суммасы 702 миң сом айып пул салынган.

"Урматтуу шаардыктар жана ишкерлер! Бишкек шаарын жашылдандыруу эрежелеринин 4.4.1 пунктуна ылайык жанаша жайгашкан аймакты жашылдандыруу боюнча санитардык нормаларды жана эрежелерди так сактоону суранабыз",-деп айтылат маалыматта.

Эскерте кетсек, Бишкек шаарын көрктөндүрүү эрежелерин бузуу фактылары аныкталган учурда муниципалдык инспекция тарабынан менчигинин түрүнө карабастан Укук бузуулар жөнүндө кодекстин беренелерине ылайык тиешелүү чаралар көрүлөт.