ЖМК тууралуу мыйзам долбоору Жогорку Кеңештин комитетинен өтпөй калды

Жогорку Кеңештин Конституциялык мыйзамдар, мамлекеттик түзүлүш, сот-укуктук маселелер жана регламент боюнча комитети жалпыга маалымдоо каражаттары тууралуу жаңы мыйзам долбоорун четке какты.

Жаңы мыйзам долбооруна "каршы" добушун депутаттар Гуля Кожокулова, Жанар Акаев жана Замирбек Мамасадыков беришти.

Аталган комитет “Жалпыга маалымдоо каражаттары жөнүндө” мыйзам долбоорун кароодон мурдагы жыйындарда дагы бир нече ирет баш тарткан.