Балдарга арналган 3 китеп кыргызчаланды

Балдарга арналган “Менин акырам уча алат”, “Космоско барган поезд”, “Айваны жедик музейи” аттуу китептер кыргызчаланды. Бул бүгүн, 13-февралда "Китепстан" басма үйүнөн билдиришти.

"Китепстан" басма үйүнөн билдиришкендей, бул китептер балдардын кыялдануусуна, өзүнө ишенүүсүнө, өжөрлүк менен тартынбастыкка басым жасайт. Каармандардын бири-биринен өткөн кызыктуу окуясы фантазияны өнүктүрөт.

Ага ылайык, “Менин акырам уча алат” китебинде кичинекей Мони кантип каалаган акыраны тарта алгандыгы сүрөттөлөт. Ал эми “Космоско барган поезд” чыгармасында каармандар аңгеме түзүүнүн ыкмаларын жана жок жерден окуя таап чыгуунун сырларын бөлүшүшөт. “Айваны жедик музейи” чыныгы турмуштан алынып жазылган укмуш окуя.

"Китептердин автору – түркиялык балдар жазуучусу Мерт Арык. “Китепстан” басма үйү кыргызчалады. Котормочу: Насыпбек Асанбаев, редактор: Жаңыл Каримова, корректор: Жетиген Асанбек, верстка: Таттыбүбү Ырысбай",- деп айтылат маалыматта.