ТИМ кыргызстандыктардан унаа менен Казакстан жана Орусияга барбай турууну суранды

Коңшу Казакстандагы аба ырайынын начарлашына байланыштуу Тышкы иштер министрлиги Кыргыз жарандарына Казакстанга, ошондой эле Орусияга автомобиль жолдору боюнча баруудан убактылуу баш тартууну сунуштайт.

"Казакстан сегментиндеги жалпыга маалымдоо каражаттарында таратылган маалыматка ылайык, республикалык маанидеги автожолдордун 100 участкасында 16 облуста транспорт кыймылына чектөө киргизилди. Абай, Акмола, Актобе, Алматы, Атырау, Чыгыш Казакстан, Жамбыл, Жетисуу, Батыш Казакстан, Караганда, Костанай, Кызылорда, Павлодар, Түндүк Казакстан, Туркестан жана Улытау облустарында жолдор жабык", - деп билдиришти министрликтен.

Министрлик Кыргызстандын Өзгөчө кырдаалдар министрлигинин тиешелүү түзүмдүк бөлүмү менен биргеликте мекендештерибиздин абалын көзөмөлдөп турат.