Чүйдө “Кыргызстан – тоо лыжа жана кышкы эс алуунун өлкөсү” фестивалы өтүүдө (фото)

Бүгүн, 17-февралда Чүйдөгү “ЗиЛ” тоо лыжа базасында жыл сайын өтүүчү салттуу “Кыргызстан – тоо лыжа жана кышкы эс алуунун өлкөсү” XV кайрымдуулук фестивалы өтүүдө.

Иш-чара ата мекендик жана эл аралык өнөктөштөр менен биргеликте уюштурулду.

Максаты – өлкөнүн кышкы спорттун, туризмдин жана эс алуунун өлкөсү катары таанытуу, ошондой эле жарандарды активдүү жашоо образына чакыруу, аярлуу топторду колдоо болуп саналат.

Иш-чарага министрлер кабинетинин төрагасынын орун басары Эдил Байсалов жана бир катар бийлик өкүлдөрү катышууда.

Алдыда фестивалдын алкагында профессионалдык лыжа тебүү жана музыкалдык номерлер болоору күтүлүүдө.