"Көпчүлүк аймактарда кар жаайт". Дүйшөмбүгө карата аба ырайы

Эртең, 19-февралда өлкөнүн көпчүлүк аймактарында кар жаайт. Бул тууралуу Кыргызгиромет борбору маалымдайт.

Маалымдалгандай, жолдордо кар жаап, кар күрткүсү пайда болот.

Абанын температурасы:

Чүй жергесинде түнкүсүн -12…-17, күндүз -3…-8 даража,

Талас аймагында түнкүсүн -13…-18, күндүз -5…-10 градус болсо,

Баткен, Ош, Жалал-Абад дубандарында түнкүсүн -2…-7, күндүз -2…+3кө чейин жетет.

Ысык-Көл өрөөнүндө түнкүсүн -7…-12, күндүз -3…+2,

Нарын облусунда түнкүсүн -10…-15, күндүз 0…-5.

Ал эми борбор калаа Бишкекте мезгил-мезгили менен кар жаайт. Абанын температурасы -12…-14, күндүз -4…-6 градус суук болот.