Камчыбек Ташиев Кыргыз футбол союзунун кызматкерлери менен жолугушту

Кыргыз футбол союзунун президенти Камчыбек Ташиев 20-февралда уюмдун Аткаруу комитетинин жаңы курамы менен жолугушту.

Кыргыз футбол союзунан билдиргендей, жолугушуунун жүрүшүндө Камчыбек Ташиев комитеттин мүчөлөрү менен жакындан таанышып, биргеликте ишке ашырыла турган максаттарды белгиледи.

Мындан сырткары, жолугушуунун катышуучуларына ата мекендик футболдогу негизги чечимдерди кабыл ала турган аткаруучу органдардын мүчөлөрү катары алардын жоопкерчилиги чоң экендигин эске салды.

Ошондой эле КФСтин Аткаруу комитетинин жыйыны 27-февралда болору, анда футбол союзунун башкы катчысы дайындалары маалым болду.

Эске салсак, 19-февралда Кыргыз футбол союзунун президенти болуп Камчыбек Ташиев шайланган.