Лейлекте санэпид көзөмөл бөлүмү билим берүү мекемелерин текшерүүдө

Лейлек санэпид көзөмөл бөлүмүнүн кызматкерлери тарабынан Раззаков шаарындагы “Жеткинчек", "Ак Шоола" балдар бакчаларында жана "Ак Булак", "Тайлан" орто мектептеринде пландуу текшерүү жүргүзүлдү. Бул тууралуу бүгүн, 21-февралда Ооруларды алдын алуу жана мамлекеттик санитардык-эпидемиологиялык көзөмөл департаментинен билдиришти.

Ага ылайык, жугуштуу кызамык, сарык оорулары боюнча маалымат берилип, алдын алуу иштери жүргүзүлдү.

"Пландуу текшерүүнүн жүрүшүндө билим берүү мекемелеринин жалпы санитардык абалы текшерилди. Суусунан жана тамак аштан үлгүлөр алынды. Бала бакчанын ашканасынан сүртүмдөр алынып, лабораторияга тапшырылып, кемчиликтерди жоюу үчүн санитардык милдеттендирилме берилди", - деп айтылат маалыматта.