Бишкекте темир жолду кесип өтүүчү эки жол салынуусу үчүн 108 гараж буздурулууда

Бишкектин Асаналиев көчөсүндөгү "№27а гараж" кооперативи демонтаждалууда. Бул тууралуу бүгүн, 27-февралда калаа мэриясынан кабарлады.

Маалыматка ылайык, Бакаев көчөсүндө Лев Толстой көчөсүнөн Бөкөнбаев көчөсүнө чейинки темир жол аркылуу эстакадалык өтмөк курууга тоскоолдук жараткан 108 гаражды бузуу иштери "Бишкекбашкыархитектура" муниципалдык ишканасынын долбоору боюнча жүргүзүлүүдө.

"Буга чейин 15-февралда "Муниципалдык токтотмолор, унаа туруктары жана базарлар" муниципалдык ишканасы "№27а гараж" кооперативин менен унаа токтотуучу жайларды берүү боюнча ижара келишимин бузган. 16-февралда жетекчилик тарабынан 5 күндүн ичинде ыктыярдуу түрдө муниципалдык жерлерди бошотуу боюнча эскертүүлөр берилген", - деп айтылат маалыматта.

Белгилей кетсек, буга чейин Бишкекте темир жолду кесип өтүүчү эки жол салынары кабарланган.