Эми Кыргызстанда айып пулду өз убагында төлөбөгөн айдоочуларга пеня кошулбайт

Бүгүн, 28-февралдан тарта Кыргызстанда жол эрежесин бузган айдоочулар үчүн кошумча туум жоюлду. Бул тууралуу Жол кыймылынын коопсуздугун камсыздоо башкармалыгынын басма сөз кызматы билдирди.

Эреже бузуулар жөнүндө кодекске киргизилген өзгөртүүлөргө ылайык, жол кыймылынын коопсуздугун камсыздоо жаатындагы мыйзам бузуулар үчүн кошумча жазалар алынып салынды.

Буга чейин жол эрежесин бузуп, айып пулду убагында төлбөгөн айдоочуларга кошумча туум кошулчу.

"Бүгүндөн тарта айдоочу жол эрежесин бузгандыгы үчүн негизги айыпты гана төлөйт", - деп билдиришти ЖКККББдан.

Тагыраагы, эгерде сиздин 1000 сом айып пулуңуз болуп аны 100 күндөн кийин төлөсөңүз үстүнө дагы 1000 сом кошулчу. Эми андай болбой, 1000 сом айып пулду гана төлөйсүз, туум кошулбайт.