Өлкөдө жалпы республикалык тестке онлайн каттоо башталды

Өлкөдө жалпы республикалык тестке онлайн каттоо башталды. Бул тууралуу Билим берүү жана илим министрлиги маалымдайт.

Министрликтин буйругуна ылайык, жалпы республикалык тестке бүтүрүүчүлөрдүн өз ыктыярынын негизинде каттоо 29-февралдан 4-апрелге чейин жүргүзүлөт.

Кошумчалангандай, каттоо 2023-2024-окуу жылынын бүтүрүүчүлөрү үчүн окуп жаткан окуу жайларында жана мурунку жылдары бүткөн бүтүрүүчүлөр үчүн негизги жашаган жеринде жайгашкан райондук жана шаардык билим берүү бөлүмдөрүндө онлайн жүрөт.