5-мартта Бишкектин айрым конуштарында ичүүчү суу убактылуу өчүрүлөт

Бишкек шаарында 5-мартта турак жайларда, мектептерде, мектепке чейинки мекемелерде, саламаттыкты сактоо жана башка социалдык, тиричилик жана өндүрүштүк объектилеринде ичүүчү суу өчүрүлөт. Бул тууралуу шаардык мэриядан кабарлашты.

Маалыматка ылайык, суу берүү "Энесай" конушу, "Дордой-1" жана "Дордой-2" конушунда саат 9:00дөн 15:00гө чейин токтотулат.

Ичүүчү сууну өчүрүү "Энесай" суутоптомосунда жана шаардык суу түтүк тармактарында оңдоо иштерине байланыштуу экени айтылат.

"Бишкексууканал" өндүрүштүк-эксплуатациялык башкармалыгы келтирилген ыңгайсыздыктар үчүн кечирим сурайт жана мекеме-уюмдарды, калкты ичүүчү сууну алдын ала камдап алууну суранат.