Президенттин администрациясында кадрдык өзгөрүүлөр болду

Казыбек Молдажиев президенттин жана Министрлер кабинетинин чечимдерин аткарууну контролдоо башкармалыгынын башчысынын орун басары – контролдоо бөлүмүнүн башчысы болуп дайындалды.

Президенттин басма сөз кызматынан билдиргендей, тиешелүү тескемеге өлкө башчы Садыр Жапаров кол койду.

Буга чейин аталган кызматты аркалап келген Жетиген Бакиров башка ишке өткөндүгүнө байланыштуу ээлеген кызмат ордунан бошотулду.