Өлкөдө эртең менен эки ирет жер титирөө катталды

Бүгүн, 6-март эртең менен өлкө аймагында эки ирет жер титирөө катталды.

Сеймология институтунун маалыматына караганда, биринчи жер титирөө саат 06:06да Жалал-Абад облусунда катталып, күчү 3 баллга жеткен.

Жер титирөөнүн очогу Таран-Базар айылынан 3 чакырым түндүк-батышта, Жоон-Күнгөй айылынан 3 чакырым түштүк-батышта, Жалал-Абад шаарынан 36 чакырым түндүк-чыгышта жайгашкан. Калк жашаган аймактарда жер титирөөнүн күчү 2,5 баллга жеткен.

Ал эми экинчи жер титирөөнүн очогу Кытайда 06:10до катталып, күчү 5,5 баллга жеткен. Бул жер титирөө өлкө аймагына дагы сезилип, Бедел айылында күчү 4 баллга жеткен. Ал эми Кумтөрдө 3 баллдык болгон.