Кыргызстанда кызамыкка чалдыккандардын саны 5 миңге жетти 

Кыргызстанда жыл башынан бери кызамык жуктургандардын саны 4 855 адамга жетти. Бул тууралуу Республикалык иммунопрофилактика борборунан маалымдады.

Маалыматта караганда, илдетти жуктургандар дагы деле Бишкек шаарында, Чүй, Ош жана Жалал-Абад облустарында арбын болууда.

Кызамык жуктургандардын саны:

Бишкекте - 1 438,

Ош шаарында - 331,

Ош облусунда - 831,

Баткенде - 112,

Чүйдө - 1042,

Жалал-Абадда - 922,

Ысык-Көлдө - 80,

Нарында - 54,

Талас облусунда - 75 адам кызамыкка чалдыккан.

Ооругандардын ичинен бир жашка чейинки ымыркайлардын саны 1684, 1-4 жаштагы - 1732, 5-9 жаштагы - 696, 10-14 жаштагы 222 бала бар. 500дөй бейтап - 15 жаштан жогору курактагылар.

Белгилей кетсек, былтыр бир жылда илдеттин 7046 учуру катталып, тогуз бала оорудан чарчап калган. Арасында беш айлык ымыркай да болгон.