Акыйкатчы аялдардын укугун коргоо маанилүү экендигин белгиледи

Акыйкатчы Жамиля Жаманбаева өлкө айымдарын 8-март - Аялдардын эл аралык күнү менен куттуктап, аялдардын жана кыздардын укуктары менен эркиндиктерин коргоо маанилүү экендигин белгиледи.

"Урматтуу айымдар!

Сиздерди жаркыраган жазда кирип келген 8-март майрамыныздар менен куттуктайм. Аялдардын укугун коргогон бул маанилүү майрамда каалоорум ар бир аял заты, кыздарыбыз камкордукка, сүйүүгө бөлөнүп коопсуздукта жашасын.

Аялдардын укугун коргоо - Акыйкатчы институтунун өзгөчө көңүл чордонунда.

Бүгүнкү күндө үй- бүлөдөгү зордук-зомбулуктун алдын алуу, ошондой эле кыздарыбызды эрте никеден коргоо багытында системалык түрдө иш алып баруу абдан маанилүү. Мындай актуалдуу көйгөйдү чечүүдө коом менен мамлекеттик органдар бирдиктүү иш алып баруусу зарыл.

Ар бириңиздерге, урматтуу айымдар, өз укуктарыңыз менен эркиндиктериңизди, билимиңизди жана жөндөмүңүздү ийгиликтүү ишке ашырууну каалайм", - деп жазылат акыйкатчынын куттуктоосунда.