Шавкат Мирзийоев Садыр Жапаровду жана кыргызстандыктарды куттуктады

Коңшу Өзбекстандын президенти Шавкат Мирзийоев өлкө башчы Садыр Жапаровду жана Кыргыз элин ыйык Орозо айынын башталышы менен куттуктады. Куттуктоону президенттин администрациясы жарыялады.

“Сизди, бардык жакындарыңызды жана боордош кыргыз элин бүткүл мусулман жамааты чоң сүйүнүч жана кубаныч менен тосуп алган ыйык Орозо айынын башталышы менен чын дилимден куттуктайм. Көптөгөн кылымдар бою жалпы тарыхый, диний, маданий жана агартуучулук баалуулуктарын бирдей ыйык тутуп келген боордош элдерибиз Орозо айын боорукердик, сабырдуулук жана береке сыяктуу сапаттардын өзгөчө үлгүсү катары жогорку маанайда тосуп алышат.

Улуу жана сыйлуу айдын ушул берекелүү жана жаркын күндөрүндө биз мындан ары да мамлекеттерибиздин ортосундагы ар тараптуу жана узак мөөнөттүү стратегиялык өнөктөштүк мамилелерди тереңдетип, боордош элдерибиздин мамилелерин бардык тармактарда тездик менен өнүктүрүүгө ниеттенебиз”, - деп айтылат куттуктоо катында.

Шавкат Мирзийоев Садыр Жапаровго чың ден соолук, бакыт-таалай жана жоопкерчиликтүү ишмердигинде зор ийгиликтерди, ал эми достук мамиледеги Кыргызстан элине тынчтык, бейпилдик, ырааттуу өнүгүү жана бакубатчылык каалады.