Азербайжан Армениядан төрт айылды тезинен бошотууну талап кылды

Баку Еревандан эксклавга кирбеген төрт айылды тезинен бошотууну талап кылууда, ошондой эле дагы төрт эксклав айылы боюнча маселени көтөрүүдө. Бул тууралуу Азербайжандын вице-премьер-министри Шахин Мустафаев брифингде билдирген.

"Армения басып алган 4 эксклавдык эмес кыштактары (Баганис Айрим, Ашаги Аскипара, Хейримли жана Гызылгажылы) Азербайжанга таандык экени талашсыз жана алар токтоосуз бошотулууга тийиш", - деген ал.

Мындан тышкары, вице-премьер-министрдин кеңсеси белгилегендей, Азербайжандын армяндар көзөмөлдөгөн төрт эксклав айылы (Юхари Аскипара, Софулу, Бархударли жана Карки) боюнча маселе Армения-Азербайжан чек арасын делимитациялоо процессинин алкагында чечилет.

Ошол эле учурда Баку армян маалымат каражаттарынын Азербайжандын 31 армян кыштактарын басып алганы тууралуу маалыматын четке какты.