"510 орунга ылайыкталган". Бишкектин Көк-Жар конушунда жаңы бала бакча колдонууга берилди

Министрлер Кабинетинин төрагасы Акылбек Жапаров Бишкек шаарынын Көк-Жар жаңы конушундагы бала бакчанын ачылыш аземине катышты. Бул тууралуу бүгүн, 12-мартта Министрлер кабинетинен билдиришти.

Маалымдалгандай, Акылбек Жапаров жергиликтүү тургундардын кубанычтуу окуясы менен куттуктады.

“Балдардын коопсуз жашоосу жана өнүгүүсү үчүн бардык шарттары менен курулган бала бакчанын ачылышы менен куттуктайм. Бала бакчада спорт зал, музыкалык жана концерттик залдар, медициналык жабдуулар, керектүү окуу куралдары жана оюнчуктар менен жабдылган. Акыркы 2 жылда борбор калаада 21 мектеп курулду. Мамлекеттик саясат балдардын сапаттуу билим алуусу жана өнүгүүсү үчүн жагымдуу шарттарды түзүүгө багытталган”, — деди Акылбек Жапаров.

Белгилей кетсек, бала бакчаны куруу долбоору боюнча 280 орундуу болсо, бирок, бала бакчанын аянтынын чоңдугуна байланыштуу кошумча жылдырма керебеттерди коюу менен дагы 230 орунду түзүүгө мүмкүн болду.