Улакчы Аскат Аскаров Чүй элинен кечирим сурады (видео)

Ысык-Көлдүн "Мурас" командасынын оюнчусу Аскат Аскаров көк бөрү сүйүүчүлөрдөн жана жалпы Чүй элинен кечирим сурады.

Ал кайрылуусунда "Сары-Өзөндүн" оюнчусу Султан Руслановду сүзүп алганын, андан кийин улакчынын буту сынганын айтып, тезирээк сакайып кетишине тилектеш экенин билдирди.

"Сары-Өзөн" -"Мурас" оюнунда улакчы Султан Руслановду оюн учурунда мен сүзүп алып буту сынып калды. Султан досумдан, көк бөрү сүйүүчүлөрүнөн, Чүй элинен кечирим сурайм. Ал жерде сынып кетет деген оюмда жок болчу, эмоцияга алдырып сүзүп алгам. Султан эртерээк сакайып, оюнга чыксын. Бул деген спорт экен, Султан Руслановду кийинки оюндарда көрөбүз деп ишенем", - деди Аскаров.