Кара-Балтада ок атуу болуп, милиция кызматкерлери качып кетти (видео)

Кара-Балта шаарында Баңгизаттарды көзөмөлдөө кызматынын кызматкерлери УКМК кызматкерлери кармамакчы болгондо качып кетти. Бул тууралуу Kaktus.media сайты укук коргоо органдарындагы булактарына таянуу менен жазды.

Басылманын маалыматына караганда, кармоо кечээ, 19-март күнү кечинде УКМКнын Чүй облусу боюнча кызматкерлери жүргүзгөн атайын операциянын жүрүшүндө Кара-Балта шаарынын көчөлөрүнүн биринде болгон.

"Анда пара бермекчи болгон адам милиция кызматкери менен жолугуп, белгиленген акчаны берген. Бул учурда колго түшүрүү керек болчу, бирок шектүү бир нерсени байкап калып, дароо унаасын айдай качкан. Атайын күчтөр дөңгөлөккө ок чыгарган, бирок шектүү качып кетүүгө үлгүргөн.

"Шектүү кызматкер белгиленген акчаны ыргытып жиберүүгө үлгүргөн. Учурда шектүүнү издөө иштери жүрүп жатат. Бир аздан кийин укук коргоо органдарындагы булак кеп үч милиция кызматкери жөнүндө болуп жатканын кошумчалады. Алар изделүүдө", - деп жазды аталган сайт.

УКМК бул боюнча расмий маалымат бере элек.