Ошто айрым унаа жолдор убактылуу жабылат

Ош шаарында Нооруз майрамына карата бүгүн, 20-мартта саат 14:00дөн тарта айрым жолдор жабылат. Бул тууралуу Ош мэриясынан билдиришти.

Маалыматка караганда, бүгүн, 20-мартта саат 14:00дөн баштап Ленин көчөсүнүн Аматов көчөсү менен кесилишкен жеринен баштап, Баялинов көчөсүнө чейинки аралык унаа кыймылы үчүн убактылуу жабылат. Ал эми №2 троллейбустук каттам убактылуу токтойт.

"Ош мэриясы Курманжан-Датка көчөсүнүн түштүк тарабынан келүүчү автоунаалардын кыймылы Баялинов көчөсү аркылуу жүрө турганын маалымдайт. 22-мартта жол кыймылы кайрадан баштапкы калыбына келтирилет.

Келтирилген ыңгайсыздыктар үчүн кечирим сурайбыз", - деп айтылат маалыматта.