"Каталка менен..". "Крокус Ситидеги" терактка айыпталгандардын соттогу сүрөттөрү

Москванын четиндеги "Крокус Сити" концерттик залындагы терактка шектелген төрт адам тең соттун чечими менен СИЗОго жөнөтүлдү.

Дүйшөмбүгө караган түнү Басман соту бул кылмышка айыпталгандар: Далержон Мирзоев (32 жашта), Муродали Рачабализода (30 жашта), Шамсидин Фаридуни (25 жашта) жана Мухаммадсобир Файзовду (19 жашта) 22-майга чейин камакка алды.

Тергөөнүн өтүнүчү менен төрт отурум тең жабык эшик артында өттү. Алар сотто күнөөлөрүн моюнуна алышкан. Айыпталуучулар өмүр бою эркинен ажыратылышы мүмкүн.