Жетишип калыңыз. Салык декларациясын тапшырууга бир жума калды

Салык кызматы юридикалык жактар жана мамлекеттик жана муниципалдык кызматкерлер үчүн бирдиктүү салык декларациясын тапшырууга бир жума убакыт калгандыгын эскертет.

Мекеменин маалыматына ылайык, 1-апрелге чейин төмөнкү кызматкерлер салык декларациясын тапшырышы керек:

* мамлекеттик жана муниципалдык кызматкерлер;

* ата мекендик уюмдар (анын ичинде юридикалык жакты түзүү менен дыйкан жана фермердик чарбалар);

* туруктуу мекеме түзүү менен өлкө аймагында иш жүргүзгөн чет өлкөлүк уюмдар.

Мындан тышкары, 1-майга чейин салык декларациясын жеке жактар жана жеке ишкерлер тапшырууга милдеттүү. Декларацияны өз убагында тапшырбагандыгы үчүн жеке жактарга административдик айып салынары кошумчаланды.

Толук маалыматты жергиликтүү салык органдарынан, ошондой эле 116 номеринен же сайттан алууга болот.