Шабданбек Алишев "Крокустагы" терактта курман болгондорду эскерүү аземине катышты 

Жогорку Кеңештин КМШнын парламенттер аралык ассамблеясындагы жана ЖККУнун парламенттик ассамблеясындагы ыйгарым укуктуу өкүлү Шабданбек Алишев Орусияда "Крокус Сити Холлдогу" терактта курман болгондорду эскерүү аземине катышып, көңүл айтуу китебине жазуу калтырды.

Маалыматка караганда, иш-чара Санкт-Петербург шаарында Орусиянын Улуттук китепканасынын имаратынын алдында уюштурулган.

“Кыргыз эли, Кыргызстандын президенти жана Жогорку Кеңештин төрагасы менен биргеликте Москва шаарына жакын жердеги "Крокус Сити Холлдогу" терактта курман болгондордун үй-бүлөсүнө терең кайгыруу менен көңүл айтабыз. Ал эми жарадар болгон жана жаракат алган адамдарга батыраак сакайып кетишине тилектешпиз”,- деп белгиледи Алишев.