“Жаным” аттуу клиби менен Кыргызстанда чуу жараткан норвегиялык ырчылардын түлкү жөнүндөгү чыгармасын YouTube “2013-жылдагы эң популярдуу видео” деп тапты

YouTube сайты “Жаным” аттуу клиби менен Кыргызстанда чуу жараткан норвегиялык ырчылардын “Түлкү кантип сүйлөйт?” (“What does the fox say?”) чыгармасын “2013-жылдагы эң популярдуу видео” деп тапты. Мындай маалымат жакында интернет айдыңында жарык көрдү.

Маалыматка таянсак, үстүбүздөгү жылы YouTube`да аталган чыгарма эң көп кароолорго ээ болгон. 2013-жылдын сентябрь айынын башында жүктөлгөн клип жалпысынан 275 миллион ирет каралган. Клипте ырчылар түлкү кейпин кийип, кызыктай кыймылдарды жасашат.

“Ylvis” дуэти кыргыз журтчулугуна чоочун эмес десек болот. Анткени буга чейин бул дуэт кыргыз-орус тилдерин аралаштырып “Жаным” аттуу ырды ырдап чыккан. Кийин аталган ырды өз өлкөсүнүн сахнасында ырдап чыгышканда уят сөздөрдү айтышат. Ал гана эмес, сахнага “Шлюха” деген жазуусу бар СССРден чыккан Жигулини ала чыгышканы бар. 

“Ylvis” дуэтинин "Жаным" ыры тууралуу "Супер-Инфо" гезити да жазып чыккан. Клипке тартылган кыргыз актёрлорунун клип тууралуу ойлорун бул жактан окуңуз...