Парламент 2014-жылга республикалык бюджеттин долбоорун 2-3-окууда жактырды

Парламент Кыргыз Республикасынын 2014-жылга республикалык бюджети жана 2015-2016-жылдарга болжолу жөнүндө" мыйзамдын долбоорун 2 жана 3-окууда колдоп берди. Мындай чечим бүгүн, 19-декабрда парламенттин жалпы жыйынында кабыл алынды. Өлкөнүн эң негизги каржылык документин кароодо эл өкүлдөрү тарабынан бир топ сунуш пикирлер айтылды. Жыйынтыгында депутаттар Кыргыз Республикасынын 2014-жылга республикалык бюджети жана 2015-2016-жылдарга болжолу жөнүндө" мыйзамдын долбоорун 2 жана 3-окууда колдоп беришти. Экинчи окууда бардыгы болуп 98 депутат каттоодон өтүп, 98 эл өкүлү "макул" деген добушун берди. Ал эми 3-окууда бир гана эл өкүлү каршы болду.