Өлкөдө ушул жылы 20 миң үй-бүлө социалдык келишим түзө алат

Социалдык келишим социалдык паспорту бар же "Үй-бүлөгө көмөк" жөлөк пулун алган аз камсыз болгон же жакыр үй-бүлөлөр социалдык келишимди түзө алышат. Бул тууралуу Эмгек министрлигинен билдиришти.

Ага ылайык, үй-бүлөдө кирешелүү бизнес-план, эмгек жана мүлк потенциалы болушу керек.

"Социалдык келишим түзүү менен сиз чакан бизнесиңизди ачуу же өнүктүрүү үчүн 100 миң сом акысыз ала аласыз.
Социалдык келишим 3 жылга түзүлөт", - деп айтылат маалыматта.