Бишкекте алыш бел боо күрөшү боюнча эл аралык турнир өтөт

Бишкекте 28-29-апрель күндөрү алыш бел боо күрөшү боюнча эл аралык турнир өтөт. Дене тарбия жана спорт департаменти мелдеш Баяман Эркинбаевдин жаркын элесине арналып уюштурулуп жатканын билдирди.

Турнирге Кыргызстан, Өзбекстан, Казакстан, Индия, Түрменстан, Нидерланды жана Ооганстан өлкөлөрүнөн келген 120дөн ашык спортчу катышат. Жалпы байге фонду 1 000 000 сомду түзөт.

Катышуучулар төмөнкү салмакта күч сынашат:

Эркектер арасында (класикалык жана эркин стиль): 60, 70, 80, 90, 100, +100 килограмм).
Кыз-келиндер арасында (эркин стиль): 55, 60, 65, 70, 75, +75 килограмм.