Өлкөдө бир аптада мас абалында унаа башкарган 63 айдоочу аныкталды

Өлкөдө 1-апрелден 7-апрелге чейинки аралыкта 22 миң 895 жол эрежесин бузуу фактысы катталды. Бул туурасында Жол кыймылынын коопсуздугун камсыздоо башкы башкармалыгынан билдиришти.

Анын ичинен:

• тийиштүү документтери жок автоунаа башкаруу – 226;
• мас абалында унаа башкаруу – 63;
• автоунаанын терезелерин мыйзамсыз караңгылатуу – 58;
• жөө жүргүнчүлөр катышкан жол эреже бузуулар – 946;
• транспорт каражаттарынын эксплуатациялоо эрежелерин бузуу – 3 653;
• автоээнбаштык – 5;
• белгиленген ылдамдыктан ашуу – 4 512;
• жалган мамлекеттик номуру менен унаа башкаруу – 3;
• башка жол эрежелерин бузуу фактылары – 13 429.

Ошондой эле 867 автоунаа ар кандай жол эрежелерин бузгандыгы үчүн убактылуу айып короосуна киргизилген.