Улуттук статистикалык комитети өлкөдө бензиндин баасы кымбаттаганын билдирди

Кыргызстанда апрель айынын башына карата күйүүчү майдын орточо баасы бир аз көтөрүлдү. Мындай маалыматты Улуттук статистикалык комитети жарыялады.

Ага ылайык, азыркы тапта АИ-95 маркасындагы күйүүчү майдын литри - 71,48 сомдон сатылууда. Ушул эле марка март айында 70,19 сом болгон. Ал эми АИ-92 - 64,64 сомдон сатылып жатат. Март айында бензиндин бул түрүнүн баасы 63,25 сомду түзгөн.

Учурда АИ-80дин орточо баасы - 58,35 сомдон болсо, мартта 58,34 сомдон болчу. Ал эми дизель майынын литри март айында 71,52 сом болсо, учурда 72,52 сомдон сатылууда.