"Күн жылуу болот". Орозо айтка карата аба ырайы 

Эртең, 10-апрелге караган түнү Ош, Ысык-Көл, Нарын облустарынын көпчүлүк аймактарында, Чүй, Жалал-Абад облустарынын айрым жерлеринде жаан жаап, күн күркүрөйт, күндүз жаан-чачын күтүүлбөйт. Бул тууралуу Кыргызгидромет борбору билдирди.

Батыштан келген шамалдын ылдамдыгы секундасына 4-9 метрден, 10-апрелде түнкүсүн Ысык-Көл, Нарын облустарынын айрым жерлеринде секундасына 15-20 метрге чейин жетет.

Абанын температурасы:

Чүй аймагында түнкүсүн +3…+8, күндүз +16… +21,

Талас жергесинде түнкүсүн +1…+6, күндүз +14…+19,

Баткен, Ош, Жалал-Абад облустарында түнкүсүн +6… +11, күндүз +18…+23,

Ысык-Көлдө түнкүсүн -2… +3, күндүз +10…+15,

Нарын өрөөнүндө түнкүсүн -4…+1, күндүз + 12…+17.

Бишкек шаарында түнкүсүн +6…+8, күндүз, +19…+21 градус жылуу болот.