Казакстан чет элдиктер үчүн бензин менен солярканын баасын жогорулатат

Коңшу Казакстандын Энергетика министрлиги чет элдик жарандар үчүн бензин менен дизелдик отундун баасын өзгөртүүнү сунуштады.

Чет элдиктер үчүн дизелдик отундун баасы литрине 315 теңге болору күтүлүүдө. АИ-92 жана АИ-93 үлгүсүндөгү бензиндин баасы литрине 245 теңге болуп бекитилет.

"Буйрук долбоорунда АИ-92 жана АИ-93 үлгүсүндөгү бензиндин баасы литри үчүн 245 теңге өлчөмүндө белгиленип, Казакстанда берилген айдоочулук күбөлүктү көрсөткөндө суткасына 100 литрге чейинки өлчөмдө, баасы өзгөрүүсүз калды – литри үчүн 205 теңге. Айдоочулук күбөлүгүн жана транспорт каражатынын каттоо күбөлүгүн көрсөткөндө жеңил унааларга, жүк ташуучу унааларга, автобустарга суткасына 300 литрге чейин - 205 теңге", - деп айтылат андагы документте.

Документте дизелдик отундун баасы (жайкы сезон аралык) литрине 315 теңге болот деп болжолдонууда. Казакстанда берилген айдоочулук күбөлүктү көрсөткөндө күнүнө 100 литрге чейин көлөмдө куйсаң - литри үчүн 295 теңге; Ал эми суткасына 300 литрге чейин - литри үчүн 295 теңге.