Өлкөдө нөшөрлүү жаан-чачынга байланыштуу сел жүрүшү күтүлөт

15-16-апрель күндөрү күтүлүп жаткан жаан-чачынга байланыштуу тоолуу райондордо сел жүрүшү күтүлөт. Бул тууралуу Өзгөчө кырдаалдар министрлигинен билдиришти.

Ага ылайык, Чүй, Талас, Ош, Жалал-Абад жана Баткен облустарынын тоо этектериндеги райондорунда сел жүрүшү мүмкүн. Эңкейиш жана төмөн жерлерди суу каптап, дарыяларда суунун деңгээли көтөрүлүшү күтүлөт.

"Урматтуу жарандар! Селдин, суу каптоонун алдын алуу үчүн арыктарды, суу өткөрүү түтүктөрүн жана дренаждык түйүндөрдү ар кандай таштандылардан тазалоону сунуштайбыз", - деп айтылат маалыматта.