“Акылман” президенттик лицейине каттоо качан башталары айтылды

“Акылман” президенттик лицейине 2024-2025-окуу жылына карата балдарды каттоо 20-апрелде башталат. Маалыматты Билим берүү жана илим министрлиги кабарлады.

Сынак 6-класстын окуучуларынын арасында болот, ал эми аз камсыз болгон үй-бүлөлөрдүн балдарына, атасы же энеси жок, томолой жетим балдарга артыкчылык берилет.

Тандоо лицейдин администрациясы тарабынан төмөнкү графикке ылайык өткөзүлөт:

2024-жылдын 20-апрелинен 30-апрелине чейин каттоо жүрөт.

• I этап: 2024-жылдын 4-5-6-майында – алдын ала онлайн тестирлөө;
• II этап: 2024-жылдын 10-майында – 1-этаптын жыйынтыгы боюнча эң жогорку балл алган 2 миң талапкер үчүн онлайн тестирлөө;
• III этап: 2024-жылдын 14-майынан 20-майына чейин – 2-этаптын жыйынтыгы боюнча эң жогорку балл алган 700 талапкер үчүн оффлайн тестирлөө.

Белгилей кетсек, “Акылман” лицейин каржылоо толугу менен өлкө башчынын фондунун эсебинен жүргүзүлөт.