Мамлекеттик карыздар үчүн 2014-жылдын бюджетинен 14,5 миллиард сом каралат

Мамлекеттик карыздар үчүн 2014-жылы 14 миллиард 488 миллион сом сарпталат. Мындай маалыматты бүгүн, 20-декабрда каржы министрлигинин бюджеттик саясат башкармалыгынын башчысы Канат Асангулов Саясатты өнүктүрүү институтундагы чогулушта билдирди. 

Ага ылайык, 3,5 миллиард сом пайыздык төлөмдөр үчүн, 10 миллиард 937 миллион сом негизги карызды төлөөгө багытталат. Ал эми ички карызды төлөө үчүң 2014-жылдын бюджетинен 8 миллиард 900 миллион сом каралып, пайыздык төлөмдөр үчүн 1 миллиард 347 миллион сом сарпталат.