Бүгүн түндө Нарында жер титиреди

Бүгүн, 20-апрелге караган түнү Нарын облусунда жер титиреди. Бул тууралуу Сейсмология институтунан билдиришти.

Маалыматка ылайык, түнкү саат 2:29да күчү 3,5 баллга жеткен жер титирөө катталган.

Жердин силкинүүсү Нарын облусунун Нарын районунун Эмгекчил айылында 3,5 баллга чейин, Нарын шаары, Эчки-Башы, Куйбышев, Миң-Булак, Кызыл-Жылдыз, Жерге-Тал, Жан-Булак, Оттук, Казан-Куйган, Кеңеш жана Орто-Нура айылдарында 3 баллга чейин сезилген.

Өзгөчө кырдаалдар министрлиги жабыркагандар жана кыйроолор катталбаганын кабарлады.