Уюшкан кылмыштуу топтун мүчөсү катары каттоодо турган казакстандык жаран кармалды (видео)

УКМКга бир катар оор кылмыштарды, анын ичинде каракчылык кылмыштарды жасоого айыпталган чет өлкөлүк жаран жашырынып жүргөндүгү тууралуу маалымат келип түшкөн. Бул тууралуу бүгүн, 22-апрелде УКМКдан билдиришти.

Маалымдалгандай, Казакстандын укук коргоо органдары тарабынан эл аралык издөөдө жүргөн, бир нече жолу соттолгон 1990-жылы туулган Казакстандын жараны С.А.А. кармалды. Аталган жаран жазадан кутулуу максатында 2023-жылдын күзүндө көзөмөл-өткөрмө бекеттен мамлекеттик чек араны мыйзамсыз кесип өтүп, Кыргызстанда жашырынып жүргөн.

"Учурда С.А.А. Юстиция министрлигине караштуу жазаларды аткаруу кызматынын №21 мекемесине киргизилип, ыкчам тергөө иш-чаралары жүргүзүлүүдө", - деп айтылат маалыматта.